[sticky post]Кніга "1813" у продажы!
партрэт
yozas_gubka


Прайшоў ужо дзень, як кніга "1813" з'явілася ў продажы. Набыць яе можна тут kniharnia.by/catalog/suchasnaya_proza/1813. Шмат хто атрымаў кнігу раней, як спонсар краўдфандынг-праекта, і паспеў прачытаць, таму ў інтэрнэце пачалі з'яўляцца першыя водгукі.

Літаратурны крытык Марына Весялуха пакінула водгук на "Будзьме": budzma.by/news/zombi-khorar-pa-byelarusku-chamu-b-i-nye.html

З'явілася першая рэцэнзія на сайце LiveLib.ru: www.livelib.ru/review/722045-1813-uladzimir-sadoski

Увогуле, навінамі пра выхад кнігі адзначыліся наступныя інтэрнэт-СМІ: TUT.BY, "Наша Ніва" і яшчэ раз "Будзьма"


Набыць за 10 жэтонаў
Buy promo for minimal price.

Корч дня
партрэт
yozas_gubka
1. Дажыліся! Корч дня - нейкі бездушны японскі мінівэн, куды коціцца гэтая рубрыка?! Але пачакайце, у мяне ёсць апраўданне - гэтая чырвоная маляўка можа быць госцем з далёкіх 1970-х гадоў а можа і ня быць:) і гэта ўжо надае ёй пэўны статус нават у вачах такога японакорчэненавісніка як я:)

працяг +3 фотаCollapse )

Кніга "1813": аўтограф-сесія з аўтарам
партрэт
yozas_gubka

Зноў пра "1813".

Па-першае, у выдавецтве "Янушкевіч" выйшла папяровая версія маёй кнігі "1813". Набыць яе пакуль што можна толькі на сайце выдавецтва (спасылка тут), а ў хуткім часе яна будзе прадавацца на стэндзе выдавецтва у межах 24-й Мінскай кніжнай ярмаркі, якая будзе праходзіць у "Белэкспа" (пр.Пераможцаў, д.14) з 8 па 12 лютага.

Па-другое, сталі вядомыя даты правядзення аўтограф-сесій у межах той жа ярмаркі. Даты і час:
пятніца 10.02.2017 з 16.00
субота 11.02.2017 з 13.00

У гэты час чакаю вас на стэндзе выдавецтва "Янушкевіч" (можна арыентавацца па стэнду Польскай Рэспублікі, мы будзем насупраць яго).

Наваградак: у пошуках "крэсовай" архітэктуры #3
партрэт
yozas_gubka
Пост спецыяльна для kresy_arch

1. Працягваю серыю пастоў пра міжваенную архітэктуру Наваградка, якую пачаў яшчэ ў 2014 годзе (першая частка тут, другая частка тут). У дадзеным допісе будуць будынкі, якія я зафатаграфаваў падчас леташняй паездкі ў горад і якія не ўваходзілі ў папярэднія часткі, а таксама не выкарыстоўваліся для майго тутбаеўскага артыкула пра ваяводзкі горад Наваградак (спасылка тутачкі).


Працяг +20 фотаCollapse )

Маладзечна 1960-х на фота з сямейных архіваў
партрэт
yozas_gubka
Гэта ЖЖ-шная версія двух маіх артыкулаў для kraj.by: гэтага і гэтага.


1. Алічбаваў трохі дзедавых фотак з сямейнага архіву, а таксама некалькі фотак дзедавага сябра Франца Паўлавіча Вышатка. Першая фотка дзедава - парк Перамогі ў 1960-я, від на Цэнтральную плошчу:

Працяг +13 фотаCollapse )

Кніга "1813": навіны за месяц
партрэт
yozas_gubka


Прайшло ўжо больш за месяц з таго часу калі мая кніга "1813" з'явілася ў продажы ў электронным выглядзе на партале kniharnia.by.

За гэты час кніга стала лідарам продажаў "Кнігарні" за кастрычнік: http://budzma.by/news/top-10-samykh-pradavanykh-knih-na-partalye-kniharnia-by.html

У інтэрнэце з'явілася некалькі рэцэнзій на "1813" ад крытыкаў і літаратараў:

- "“Мусю пранцуз, цi не з’ясi гарбуз?”, або Паланез “Развітанне з Зомбілэндам”" тэкст ад Сяргея balachon Балахонава;
- "Напужацца па-беларуску" артыкул Ганны Янкута.

Ёсць водгукі і ад чытачоў:

- ад belskaya_mariya на livelib.ru: https://www.livelib.ru/review/722712-1813-uladzimir-sadoski;
- ад Насты xbohx на livelib.ru: https://www.livelib.ru/review/725877-1813-uladzimir-sadoski;
- ад RitaGreen на livelib.ru: https://www.livelib.ru/review/737713-1813-uladzimir-sadoski;
- ад bondaresja ў ЖЖ: "Книжное: Владимир Садовский - 1813";
- ад kansyello ў ЖЖ: Книги за ноябрь 2016.

На жаль, разгомных водгукаў яшчэ не было, так што застаецца толькі іх чакаць. У фэйсбуку было пэўнае непаразуменне з супрацоўнікамі музея Агінскага ў Залессі, якое скончылася маім забанам у іх суполачцы, але там мы проста не сышліся ў поглядах на мастацкую літаратуру і навукова-гістарычныя труды:)

Некалькі рэсурсаў узялі ў мяне інтэрв'ю з нагоды выхада кнігі:

- "ИНТЕРВЬЮ С ПИСАТЕЛЕМ ВЛАДИМИРОМ САДОВСКИМ" ад брэстскага сайта lustra-magazine.com;
- "Пісьменнік-фантаст патапіў зомбі ў канале Агінскага" ад "Слонімскай газеты";
- выйшаў невялікі сюжэт на "Белсаце" (глядзець з 1:35): https://youtu.be/LSlRRZUN0vo?t=1m35s
- нават барысаўскі тэлеканал СВЕТ ТВ узяў у мяне каментар наконт кнігі: https://www.youtube.com/watch?v=S02qRBpoR7U
- выйшла таксама інтэрв'ю ў газеце "Культура", але яго электроннай версіі пакуль няма.

Вось такія навінкі:)

Міжваенны Наваградак: фотапараўнанні, якія не ўвайшлі ў артыкул
партрэт
yozas_gubka
Не так даўно насамрэч даўно я рабіў грунтоўны артыкул, а затым і пост пра лёс Наваградка ў 1920-я, 1930-я гады з параўнаннем здымкаў міжваеннага і цяперашняга часоў. Для артыкула я выкарыстаў 18 пар фотаздымкаў, але зрабіў я іх трохі больш. Вось цяпер выкладаю невыкарыстаныя фотапараўнанні асобным пастом.


Працяг +28 ілюстрацыйCollapse )

Спадчына БелСавАрх. Апошні дзень выставы архітэктурных макетаў
партрэт
yozas_gubka
Зараз у мяне з аператыўнасцю цяжка, я пабываў на адкрыцці выставы ў аўторак, а пост пішу ў апошні дзень яе працы ў пятніцу:(

Тым не менш хачу сказаць, што 8 лістапада ў фае корпуса Дзяржаўнага інстытута кіравання і сацыяльных тэхналогій БДУ па вул. Маякоўскага 96 у Мінску адкрылася выстава макетаў будынкаў савецкага перыяду. Яе арганізатар архітэктар, кандыдат мастацтвазнаўства, дацэнт кафедры мастацтваў Яўген Марозаў сабраў у адной зале будынкі розных стыляў і кірункаў, характэрных для савецкай архітэктуры. Усе макеты - гэта вынік шматгадовай працы выкладчыка і яго студэнтаў. Аснову экспазіцыі складаюць макеты даваенных будынкаў, частка з якіх да нашага дня не захавалася, частка і зусім не была пабудавана - макеты выкананы па нерэалізаваных чарцяжах, знойдзеных у архівах. Гэты перыяд абраны не выпадкова - кандыдацкая праца Яўгена Марозава была прысвечана міжваеннай архітэктуры Беларусі.
 
1. Галоўны стэнд выставы з макетам Дома ўрада.


Працяг +9 фотаCollapse )

Вечаровы Мінск з шаснадцатага паверха
партрэт
yozas_gubka
1. Удалося сёння пранікнуць у адну з жылых высотак на Маякоўскага і як у старыя добрыя часіны пафоткаць Мінск з вышыні:


+4 фотаCollapse )
Цэтлікі: ,

Мая кніга "1813" пабачыла свет!
партрэт
yozas_gubka
У мяне добрая навіна! Электронная версія кнігі "1813" ужо гатовая! Сёння я разаслаў падарункавыя асобнікі спонсарам майго краўдфандынг-праекта, а 1 лістапада адбудзецца старт продажаў кнігі на партале kniharnia.by. Неўзабаве будзе і прэзентацыя. Сачыце за навінамі:)

Наваградак: мястэчка, якое стала цэнтрам ваяводства. Вялікае фотапараўнанне.
партрэт
yozas_gubka
Размяшчаю ў блогу свой артыкул для tut.by "Новогрудок белорусский и польский. Фотосравнение" у перакладзе на беларускую мову. Дарэчы, у гэтым матэрыяле на тут.баі рэалізавана модная фішачка з паўзункамі з дапамогай якіх можна накладаць новыя фота на старыя, у блогу такога не зробіш:(



Па выніках савецка-польскай вайны і Рыжскага мірнага дагавора 1921 года Беларусь была падзелена на дзве часткі. Заходнія землі адышлі Польшчы, а на тэрыторыі ўсходняй Беларусі ўсталявалася савецкая ўлада. Амаль два дзесяцігоддзі беларусы па абодва бакі ад мяжы жылі ў двух краінах з рознымі эканамічнымі і палітычнымі сістэмамі. Адрозніваліся гэтыя дзяржавы і падыходам да адміністрацыйна-тэрытарыяльнага падзела. Да вайны ў Савецкай Беларусі пастаянна эксперыментавалі з адміністрацыйнымі адзінкамі: да 1924 года карысталіся яшчэ дарэвалюцыйнымі губернямі і паветамі, затым губерні скасавалі і ўвялі акругі, ў 1930 годзе скасавалі і акругі, пакінуўшы толькі раёны, трохі пазней некалькі акругаў у прыгранічных рэгіёнах аднавілі. Толькі ў 1938 годзе на тэрыторыі БССР былі ўведзеныя звыклыя для сучасных беларусаў вобласці. У Польскай Рэспубліцы з самага пачатку пайшлі іншым шляхам - і ўзялі за аснову адміністрацыйнага дзялення краіны традыцыйныя гістарычныя адзінкі: ваяводствы і паветы. Такім чынам, у пачатку 1920-х на картах Другой Рэчы Паспалітай з'явілася Наваградзкае ваяводства, якое выступіла пераемнікам ваяводства, вядомага яшчэ з часоў Вялікага Княства Літоўскага.

Зрэшты, ажыццяўленне тэрытарыяльнага дзялення краіны з апорай на гістарычныя адміністрацыйныя адзінкі не заўсёды можа быць эканамічна мэтазгодным. Некалі багаты горад і цэнтр сярэднявечнага ваяводства можа да найноўшага часу ператварыцца ў правінцыйны гарадок, аддалены ад асноўных гандлёва-эканамічных шляхоў. Так стала і з Наваградкам. У былой сталіцы ВКЛ паводле перапісу 1921 года пражывала ўсяго 6367 чалавек. Наваградак па статусе больш быў падобны на мястэчка чым на горад, але, тым не менш, стаў цэнтрам ваяводства з насельніцтвам каля мільёна чалавек. Пра тое, як змяніўся Наваградак за без малога два дзесяцігоддзі ў статусе ваяводскага цэнтра Польскай Рэспублікі і якія з гэтых змен захаваліся да нашых дзён, чытайце ў гэтым матэрыяле.

Працяг +36 фотаCollapse )

Карчы #50
партрэт
yozas_gubka
1. 50-ты юбілейны выпуск карчоў я вырашыў асабліва не адзначаць, ні топамі, ні чым іншым, адзінае, што гэты выпуск, як і папярэдні будзе пэўным вяртаннем да вытокаў рубрыкі - то бок як і першыя выпускі карчоў 50-ты выпуск будзе цалкам складацца з маладзечанскіх знаходак. Не буду зацягваць - паехалі!


Працяг +39 фотаCollapse )

Корч дня
партрэт
yozas_gubka
1. Пакуль часу стае толькі на кароткія зацемкі кшталту гэтай, таму трымайце чарговага карча дня, якога я спаймаў у мінскім Уруччы:


+ 2 фотаCollapse )

Корч дня
партрэт
yozas_gubka
Не так даўно я посціў фоткі рэдкага у нашых краях польскага універсала Polski Fiat 125p Kombi. Гэтую мадэль я тады бачыў упершыню, а тут на днях паводле закону парных выпадкаў пабачыў аналагічны корч у другі раз. І не дзесці там далёка, у заходніх раёнах гродзеншчыны блізкіх да Польшчы, а ледзь не пад носам, у кіламетры ад дома ў Маладзечна:


Зрэшты, гэта больш позняя мадэль, якую пачалі выпускаць у 1983 годзе пад маркай FSO, калі скончылася ліцэнзія на вытворчасць FIAT. Мадэль FSO 125p Kombi (1983-1991):

Да сяброў
партрэт
yozas_gubka
1. Сёння з бабуляй і дзядуляй ездзілі ў Лазавец на маладзечнаскія могілкі. Мяне ўразіла, што пакуль мы ехалі па некропалю, бабуля ці дзядуля часта казалі - "А вось тут ляжыць такой-та, на мясакамбінаце працаваў, мой добры сябра быў, трэба да яго пад'ехаць, а вось тут мой саслужывец, я затым яго на працу прымаў, харошы быў працаўнік, трэба падысці, увогуле праехацца б па могілках павітацца з сябрамі... ды часу няма." Пару разоў мы ўсё-ткі спыняліся ля могілак, там я і зрабіў гэтую серыю здымкаў. Назва серыі нарадзілася сама сабой - "Да сяброў":


+2 фотаCollapse )

?

Log in