партрэт

Падобна на тое, што ЖЖ - гэта адзіная соцсетка, якая зараз працуе ў Беларусі

ВК, ФБ, Твітар заблочаны з нядзелі, Тэлеграм працуе з пераменным поспехам, але ў 13.00 лёг замертва.

Сіжу у ЖЖ наўпрост з Белтэлекама без усякіх ВПН і іншага.

Пішыце каменты, хто ёсць жывы? )))
Buy for 10 tokens
Buy promo for minimal price.
партрэт

Маё апавяданне ў часопісе МІНКУЛЬТ-3



Працягваецца збор сродкаў на выданне часопіса "Мінкульт" №3 тэма якога - фантастыка.

Спасылка на краўдфандынг тут: https://ulej.by/projects/13137.

Па сутнасці, гэта першы за многія гады (ад часоў можа якога зборніка "У зеніце Антарэс" 2008 года) міжаўтарскі зборнік цалкам прысвечаны беларускай фантастыцы.

Будзе там і адно маё апавяданне. Груба кажучы гэта тэкст ў жанры "пра патраплянцаў", у якім сучасныя людзі трапляюць у мінулае і спрабуюць змяніць гісторыю. У мяне таксама гераіня трапляе у мінулае, а дакладней у 1937 год напярэдадні "ночы растраляных паэтаў". Ці атрымаецца ў яе нешта змяніць - можаце даведацца з часопіса, калі ён будзе выдадзены:)
партрэт

Навіны блога

Вы, напэўна, даўно заўважылі, што гэты мой блог хутчэй мёртвы чым жывы і гэта ёсць так.

Мала таго, краязнаўчая частка блога ў поўным складзе з усімі пастамі пра Маладзечна і наваколлі пераязжае на асобны сайт - molodechno.net. Так што ўсе новыя артыкулы па тэме будуць з'яўляцца цяпер толькі там, далучайцеся каму цікава:

партрэт

Сканы часопіса "СССР на стройке" №5-6 і №7-8 1930 года



Нядаўна я даведаўся, што ў двух нумарах часопіса "СССР на стройке" за 1930 год былі надрукаваныя матэр'ялы пра БССР з унікальнымі фотаздымкамі (у асноўным Мінска і Гомеля). У інтэрнэце добрых сканаў гэтых часопісаў не было. Увогуле ў Беларусі ў бібліятэках падшыўкі часопіса "СССР на стройке" за 1930 год не было. Была яна ў Расійскай нацыянальнай бібліятэцы, была там і паслуга дыстанцыйнага заказа сканавання, але кошт яе такі, што танней купіць часопісы на інтэрнэт-барахолцы. Што я з дапмогай падпішчыкаў майго тэлеграм-канала "Беларускі піонэр" і зрабіў.

Часопісы прыляцелі з Тамбова, я іх адсканаваў, а арыгіналы ўчора аддаў у фонды Нацыянальнай бібліятэкі Беларусі. Хутка яны стануць даступныя для чытачоў бібліятэкі.

А для тых, хто не любіць выходзіць з дому у мяне ёсць спасылкі на сканы гэтых двух нумароў:

"СССР на стройке" №5-6 1930 (215Мб)

"СССР на стройке" №7-8 1930 (231Мб)
партрэт

Карчы #52: Мазыр і Калінкавічы

1. На тры дні ў верасні патрапіў у камандыроўку ў Мазыр і Калінкавічы. Увесь час з калегамі матаўся паміж гэтымі гарадам (а яны адзін ад аднаго вельмі блізка, лічы на двух берагах адной ракі Прыпяці) і па дарозе знаходзіў трохі карчэй. І што дзіўна, траплялася мне адносна шмат маіх любімых першых гальфоў у розным стане: ад адноўленых да закінутых. Гольф з заглаўнай фоткі як раз такі адноўлены з калекцыі аднаго мазырскага збіральніка аўтастарыны.


Collapse )
партрэт

Мае артыкулы на TUT.BY за 2017-2018 гады (частка 2)

Працяг учорашняга паста са спасылкамі на мае артыкулы ў ТУТ.БАЙ:

1. "Снести нельзя восстановить. Как выглядели разрушенные достопримечательности Беларуси после войны" - фотаздымкі пасляваеннага стану многіх беларускіх помнікаў архітэктуры з асабістага архіву прафесара Міхаіла Кацара.


Collapse )
партрэт

Мае артыкулы на TUT.BY за 2017-2018 гады (частка 1)

Раптам вы прапусцілі, ці не сочыце за маімі публікацыямі ў іншых соцсетках - падборка артыкулаў на tut.by якія былі апублікаваныя цягам апошніх 1,5 гадоў. Ну і, дарэчы, у мяне на tut.by ёсць асобная старонка дзе пералічаны ўсе мае артыкулы для партала: news.tut.by/author/2569.html

1. "В тени Лангбарда. Каким мог быть Минск, если бы его построили авангардисты" - як маглі б выглядаць будынкі Акадэміі навук і Опернага тэатра ў Менску калі б іх рэалізавалі паводле праектаў Георгія Лаўрова.


Collapse )
партрэт

Маладзечна. Праект кінатэатра "Радзіма" на 500 месцаў, 1946 год.

Што аб'ядноўвае беларускі горад Маладзечна і ўкраінскі Краматорск? "Радзіма"! Падрабязнасці ніжэй)

1. У кнізе "Архитектура страны советов: кинотеатры" 1948 года выдання знайшоў фота макета кінатэатра на 500 для Маладзечна архітэктара В.Шчарбакова:


Collapse )
партрэт

Краснае. Былое надлясніцтва "Уша" 1927-29 гадоў пабудовы

Пост спецыяльна для kresy_arch

1. Пра гэтае месца я даведаўся дзякуючы галоўнаму ляснічаму Маладзечанскага лясгаса Андрэю, ён прыйшоў на маю экскурсію па Гелянова ў Маладзечна і расказаў, што ўжо шмат гадоў працуе ў месцы непасрэдна звязаным з міжваеннай архітэктурай - а менавіта на тэрыторыі былога надлясніцтва "Уша" збудаванага ў 1927-29 гадах у вёсцы Краснае пад Маладзечна:


Collapse )
партрэт

Фэст экскурсаводаў 2018: мая экскурсія па Маладзечна

21-22 красавіка ў розных гарадах Беларусі і замежжа будуць праходзіць бясплатныя экскурсіі ў межах "Фэста экскурсаводаў" (поўны спіс можна глянуць тут: festguides.by/program), я як звычайна правяду адну экскурсію па Маладзечна. Падчас экскурсіі мы пройдземся па Гелянова, дзе я падзялюся новымі звесткамі і адкрыццямі наконт пабудоў былога гарнізона 86 пяхотнага палка Войска Польскага, які знаходзіўся тут у 1922-1939 гадах.

Прыходзце 22 красавіка ў нядзелю ў 14:00 на ганак драматычнага тэатра па Чкалава 7.