Уладзімір Садоўскі (yozas_gubka) wrote,
Уладзімір Садоўскі
yozas_gubka

Баранавічы 1930-х, каторыя мы страцілі

Пост спецыяльна для kresy_arch

1. Толькі нядаўна, дзякуючы сайту 1871.by даведаўся, што ў Баранавічах у 1930-я пабудавалі не толькі радыёстанцыю ў стылі функцыяналізма але і грунтоўны будынак пошты і дом культуры з элементамі польскага манументальнага неакласіцызму канца 1930-х. Ніводны з гэтых двух будынкаў не захаваўся. Засталіся толькі фоткі (злева пошта, справа ў далечыні дом культуры):


2. Комплекс з будынкаў пошты і дома культуры вырас у раёне так званай урадавай клоніі - квартала для польскіх чыноўнікаў пабудаванага у 1920-я гады. Выгляд гэтага месца захаваўся на нямецкім аэрафотаздымку 1941 года: будынак пошты ў цэнтры здымка, а дом культуры трохі злева ад яе, нажаль, мне вядомы толькі адзін фотаздымак пошты з зямлі і ён паказаны вышэй, выяў іншых частак будынка я пакуль не знаходзіў.


3. Гэтае ж месца на аэрафота 1942 года, пошта, як бачна складалася з цэлага шэрагу аб'ёмаў, які займаў ледзь не квартал:


4. Абодва будынкі моцна пацярпелі падчас савецкіх авіяналётаў 1944 года і пасля вайны не аднаўляліся. На месцы пошты (магчыма з выкарыстоўваннем рэшт падмуркаў, але не факт) быў узведзены дом культуры, стары польскі дом культуры быў зруйнаваны канчаткова, што можна бачыць на амерыканскім спадарожнікавым здымку 1966 года:


5. Гэтае месца зараз:


6. Неакласічны дом культуры "Польскі ачаг" (польск. "Ognisko polskie"), як яго называлі гараджане, быў пабудаваны па ініцыятыве "Таварыства дзяржаўных чыноўнікаў" як месца адпачынку членаў гэтай суполкі і іх сем'яў, а таксама цэнтр польскай культуры. Адкрыццё яго адбылося 3 мая 1936 году.


7. Пасля 1939 года і далучэння Заходняй Беларусі да БССР у будынку былога польскага дома культуры размясціўя Баранавіцкі абласны драматычны тэатр (Баранавіцкая вобласць існавала ў 1939-1941 і 1944-1954 гады). У часы акупацыі ў будынку размяшчаўся салдацкі клуб (нем. Soldatenheim), які і бачны на здымку 1942 года:


8. Ён жа. Будынак цікавы тым, што падобны на адпаведныя па аб'ёме савецкія адміністрацыйныя будынкі канца 1930-х-1940-х:
Tags: kresy_arch, Баранавічы, Заходняя Беларусь, архітэктура, старыя фота
Subscribe

Posts from This Journal “kresy_arch” Tag

  • Post a new comment

    Error

    default userpic

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 1 comment