Уладзімір Садоўскі (yozas_gubka) wrote,
Уладзімір Садоўскі
yozas_gubka

Краснае. Былое надлясніцтва "Уша" 1927-29 гадоў пабудовы

Пост спецыяльна для kresy_arch

1. Пра гэтае месца я даведаўся дзякуючы галоўнаму ляснічаму Маладзечанскага лясгаса Андрэю, ён прыйшоў на маю экскурсію па Гелянова ў Маладзечна і расказаў, што ўжо шмат гадоў працуе ў месцы непасрэдна звязаным з міжваеннай архітэктурай - а менавіта на тэрыторыі былога надлясніцтва "Уша" збудаванага ў 1927-29 гадах у вёсцы Краснае пад Маладзечна:


2. Андрэй расказаў, што ў 1920-я гады ў Другой Рэчы Паспалітай існавала праграма па пабудове сеткі лясніцтв, гэтак сама як і сеткі школ, памежных стражніц ці ўрадовых калоній, дык вось па такой праграме і было пабудавана надлясніцтва "Уша" якое ажыцяўляла нагляд за дзяржаўнымі лясамі ўздоўж былой мяжы на тэрыторыі сучасных Маладзечанскага і Вілейскага раёнаў. Адміністрацыйны будынак управы надлясніцтва вы можаце бачыць на гэтым і на папярэднім здымках: драўляны дом (а гэта была абавязковая ўмова для будынкаў лясніцтв) з 1-павярхоўнай і 2-хпавярхоўнай часткамі, пабудаваны, як сцвярджаецца ў 1927 годзе:


3. Зараз гэты будынак не належыць лясгасу і тут проста жывуць людзі, таму першапачатковы выгляд былога адміністрацыйнага будынка трохі змяніўся:


4. Само надлясніцтва "Уша" складалася з некалькіх адміністрацыйных, гаспадарчых і жылых будынкаў. Побач з адміністрацыяй знаходзіўся жылы дом, які прызнаўся для пражывання сем'яў галоўнага лясніка і яго намесніка, як сцвярджаюць цяперашнія жыхары, гэты дом 1929 года пабудовы:


5. Будынак мае выгляд шляхецкай сядзібы, раней дарога да лясніцтва ад Краснага ішла менавіта да гэтага ганка з колонамі:


6. Зараз тут проста жылы дом. Звяртае на сябе ўвагу цікавы паўкруглы ганак чорнага ўваходу ў будынак:


7. Яшэ адзін ракурс. У будынку захаваліся падмуркі з бутавага камення - характэрная рыса польскай архітэктуры 1920-х:


8. Побач з домам галоўнага лесніка знаходзіцца жылы дом для чыноўнікаў меншага рангу, аздоблены больш проста:


9. Побач стаіць і вялікая гаспадарчая пабудова. Мясцовыя жыхары кажуць, што ў комплекс былога надлясніцтва ўваходзіў таксама вялікі будынак канюшняў, але ён з-за недагляду згніў і быў разабраны цягам апошніх 10 гадоў:


10. Недалёка знаходзіцца яшчэ адзін жылы будынак, але стоадсодкава аднесці яго да міжваенкі я не магу:


11. Магчыма, ён перабудоўваўся ўжо ў пасляваенныя гады:
Tags: Mołodeczno, kresy_arch, Заходняя Беларусь, Маладзечанскі раён, архітэктура, краязнаўства, фота
Subscribe

Posts from This Journal “kresy_arch” Tag

Buy for 10 tokens
Buy promo for minimal price.
  • Post a new comment

    Error

    default userpic

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 3 comments