Уладзімір Садоўскі (yozas_gubka) wrote,
Уладзімір Садоўскі
yozas_gubka

Па дарозе ў Гродна

Гродна, напэўна, самы папсовы ў плане турызму горад у Беларусі, а маршрут Мінск-Гродна аб'езджаны турыстамі ўздоўж і ўпоперак. Таму па выніках нашай з Натялляй вандроўкі ў гэтым накірунку, я вырашыў зрабіць фотасправаздачу з акцэнтам на нетыповыя (як мне здаецца) аб'екты, па магчымасці абмінаючы зафотаныя сто разоў да мяне славутасці гэтых мясцін.
Пачну з самага канца. З гродзенскага аэравакзала.

Змрочны будынак, што знаходзіцца нездалёк ад фінальнага адрэзку трассы Мінск-Гродна, прыцягнуў маю ўвагу яшчэ ў першы дзень вандроўкі, калі мы набліжаліся да гораду. На зваротным шляху я звярнуў з трасы, каб бліжэй паглядзець на гэты савецкі "доўгастрой".


Будаваць яго пачалі ў 1985 годзе, але праз пяць гадоў з-за недахопу сродкаў будоўлю прыпынілі. З тых часоў гмах аэравакзалу панура ўзвышаецца над гродзенскім аэрапортам.

Але пакінем ужо савецкія цыклапічныя пабудовы на з'ядзенне кітайцам і вернемся ў пачатак падарожжа. У Іўе.

Іўе нам вельмі спадабалася і не толькі тым, што тут мы сытна (але не вельмі смачна) паабедалі усяго за 20 тычш на кожнага. Проста ў Іўі, можа як нідзе болей, захаваўся дух старога мястэчка.

А яшчэ тут усталявалі помнік рэлігійнай разнастайнасці ў Беларусі...
  
... і працуе мячэць.

Затым была Ліда. Мы з Наташай сышліся на думцы, што Ліда горш за Іўе і, увогуле, там глядзець няма чаго. Фотаць сто разоў адзін і той жа замак не надта хацелася, таму я зафотаў выхад з гэтага замку.

У былым цэнры ўсегалактычных дажынак мы падсілкаваліся марожаным...

... і рушылі далеў падароЖжа.

Я праўда не мог стрываць і ўсёткі пакруціўся па горадзе ў пошуках майго любімага канструктывізму, няхай і польскага:) На фота лідcкі паштамп 1930-га году пабудовы.

Затым была была царква абарончага тыпу ў Мураванцы. Гэта хоць і вядомы турыстычны аб'ект але я там быў упершыню і гэтае месца мяне вельмі ўразіла.

Па дарозе да Мураванкі мы праехалі праз сядзібны коплекс у Мажэйкаве (у галоўным будынку якога цяпер знаходзіцца мясцовы сельсавет).

І пабачылі ступенчаты мажэйкаўскі спірзавод. Мне ён спадабаўся:)

І вось мы ў Гродна. Тут нам такі ўдалося знасці ўпіску і пасля начоўкі мы першым чынам рушылі ў музей гісторыі рэлігіі.

Потым мы абышлі шмат якіх славутасцяў гэтага цудоўнага гораду, пра якія можна пісаць бясконца. Я спынюся толькі на некаторых момантах, што нас захапілі. Вось прыкладам сакрэтны знак на цэгле з якой складзена Каложа. Як казаў дзядзечка экскурсавод, якога мы безкаштоўна падслухалі, сэнс гэтага знаку дэгэтуль невядомы навукоўцам.

А вось унутранняе ўбранне гродзенскай сінагогі, самай вялікай у СНД. Прынамсі, так сказаў дзядзечка стораж.

Тое, што засталося ад ніжняй царквы ў старым замку.

Зарослы будынак па вуліцы Ажэжкі.

Пралетарскі бар у стылі канструктывізму.

Кірха.

Міжваенны жылы дом.

Люк дзіўнай формы і напаўнення (такі ж люк мы бачылі ў Лідзе).

Modern Hrodna.

Гродна нам вельмі спадабалася і неяк не надта хацелася пакідаць гэты цудоўны горад, але прыйшлося вярнуцца дахаты:)
Tags: Іўе, Гродна, Заходняя Беларусь, Ліда, Мажэйкава, Мураванка, падарожжы, фота
Subscribe

Buy for 10 tokens
Buy promo for minimal price.
  • Post a new comment

    Error

    default userpic

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 10 comments