Уладзімір Садоўскі (yozas_gubka) wrote,
Уладзімір Садоўскі
yozas_gubka

Бліц-шпацыр па Гомелі

Учора быў у камандзіроўцы ў Рэчыцы і на зваротным шляху давялося две гадзіны бавіць у Гомелі ў чаканні цягніка. Каб не марнаваць час на вакзале я вырашыў зрабіць вылазку ў горад. Маршрут быў адвольны, як кажуць "ішоў куды вочы глядзяць", і атрымаўся такім: па праспекце Леніна да плошчы Леніна і назад да Прывакзальнай плошчы зігзагамі па розных кварталах.
У першую чаргу я шукаў польскія домікі савецкую "міжваенку" і колькасць цудоўных абразчыкаў архітэктуры 1920-х, 1930-х, што мне патрапіліся за 2 гадзіны падарожжа, мяне прыемна здзівіла. Увогуле, мне падумалася, што Гомель вельмі падобны на Брэст па распасюджанасці міжваенных пабудоў, толькі ў Брэсце "міжваенка" польская, а ў Гомелі савецкая. Такім чынам гэтыя два гарады ўтвараюць як бы люстэркавыя адбіткі адзін аднаго праз прызму аднаго часа, але розных культур. Такімі ж двоеснымі мне здаюцца Гродна і Магілёў, але гэта чыста маё меркаванне і мае асацыяцыі і увогуле выбачайце за гэтую прафанскую метафізіку:)

1. Першае, чым здзіўляе Гомель - гэта канешне жылы дом-камуна архітэктара Шабунеўскага, які знаходзіцца ў адным квартале ад Прывакзальнай плошчы:
IMG_4452

2. Да нядаўняга часу дом стаяў напаўразбураны, але ў пачатку 2010-х яго адрэстаўравалі/адбудавалі, і цяпер будынак з дома-камуны для чыгуначнікаў стаў домам для гомельскай эліты, аб чым можна меркаваць хаця б па колькасці нетанных аўто ў двары дома:
IMG_4459

3. А вось "такім ён хлопцам быў" у 1930-я:
237

4. Прыкладна той жа ракурс - бачна, што сённяшнія рэкантруктары не сталі аднаўляць стужкавае асцякленне памяшкання на самым верхнім паверсе:
IMG_4464

5. План дома-камуны "гатэлявага тыпу" з найцікавейшага артыкула сп. osenenko Архитектура Советского Авангарда. Восточная Беларусь. Часть 2. Жилые здания.. Усім раю прачытаць ягоны цыкл пастоў пра "міжваенную" архітэктуру БССР:


6. Дарэчы, засняў са двара дома-камуны від на атмасферны падъезд суседняга пасляваеннага дома:
IMG_4460

7. А ў суседнім двары стаіць доказ таго, што Гомель - буйны чыгуначны вузел, а вялікая частка яго жыхароў - чыгуначнікі. Гараж з грузавога вагона:
IMG_4462

8. Безыменны завулак, што цягнецца уздоўж левага крыла дома-камуны ўпіраецца ў тыповую дзевяціпавярхоўку. Дом не ўяўляе з сябе ніякай архітэкутрнай вартасці, мне проста спадабалася сіметрычная кампазіцыя гэтага завулка:
IMG_4453

9. Далей па прашпекце Леніна мяне зацікавіў познесавецкі жылы дом у абрысах якога можна заўважыць уплыў авангардных стыляў 1930-х:
IMG_4468

10. Ці не па-функцыяналісцку выглядаюць гэтыя балкончыкі? :)
IMG_4470

11. Даваенны дом на перакрыжаванні праспекта Леніна і вул.Ірынінскай быў у пасляваенныя гады "аблагарожаны" элементамі савецкага ампіру, але рысаў "міжваеннай" архітэктуры да канца не страціў:
IMG_4472

12. Гэты домік на нямецкім аэрафотаздымку...
ljv 1 ytvws

13. ... і на здымку гугла:
ljv 1 ytvws 2

14. Далей па прашпекце знаходзіцца другі твор гомельскага архітэктара Шабунеўскага - жылы дом у "протаканструктывісткім" стылі (тэрмін толькі што сам прыдумаў :)
IMG_4475

15. Як і вялікая колькасць даваеннай архітэктуры Гомеля, будынак быў за вайну моцна разбураны і адноўлены ў 1950-я:
IMG_4479

16. Зацікавіла свежая "пасляваенка" напрыканцы прашпекта:
IMG_4484

17. Хаця 1948-м можа быць і год аднаўлення ці рэканструкцыі даваеннага дома:
IMG_4483

18. Гомельская архітэктура 1970-х так сама мае пэўны шарм:
IMG_4485

19. А вось гэты від на гмах "Белтэлекама" з сцілабатам і паркоўкай, хоць забейце, нагадвае мне адзін з відаў Варшавы, хоць і быў я там у драмучым дзяцінстве ў 1998 годзе, але нешта падобнае з бачанага там глыбока запала ў галаву:
IMG_4489

20. А домік нічога сабе такі:
IMG_4491

21. На плошчы Леніна абнаружыўся шырачэнна-непрапарцыянальны помнік Леніну. Фота пад умоўнай назвай "праваслаўны атэізм":
IMG_4492

22. На пачатку вул.Савецкай заўважыў жывапісную зялёную "дарэвалюцыёнку", якая у мяне асацыявалася чамусці з веніцыянскімі палаццо:
IMG_4499

23. Але вернемся да "міжваенкі". На вуліцы Сялянскай я нападкаў цэлы комплекс будынкаў 1920-х гадоў. У першую чаргу гэта даўжэзны жылы дом, які цягнецца ледзь не цэлы квартал:
IMG_4507

24. Вось ён пад нумарам "1" на нямецкім аэрафотаздымку:
схемка

25. Вуліца Сялянская выходзіць да дома, пазначанага "2" на вышэйшым здымку:
IMG_4511

26. А на вуліцы Пушкіна месціцца пампезны жылы дом 1930-х (нумар "3" на плане"):
IMG_4512

27. Цікава, паўмесяц з зоркай - гэта арыгінальны дэкор, ці ўзнік тут у ходзе "турэцкай рэканструкцыі будынка" калі такая увогуле праводзілася?
IMG_4513

28. Увогуле, такіх магутных даваенных чатырохпавяховікаў у Гомелі некалькі. Падобна, што зроблены яны адным архітэктарам. Яшчэ адно фота дома на Пушкіна:
IMG_4519

29. І фота падобнага дома на вул.Жаркоўскага:
IMG_4522

30. Ёсць і больш сціплыя "міжваенныя" трохпавярховікі:
IMG_4524

31. Яшчэ адзін дом-камуна Гомеля знаходзіцца на перакрыжаванні вул.Камсамольскай і Кірава. Не ведаю дакладна ці з'яўляецца яе аўтарам той жа Шабунеўскага, ці не? Як адказаў ognevit - гэта "Дом спецыялістаў", 1935 год пабудовы, архіэктар Салін.
IMG_4528

32. Сацыялістычны дэкор:
IMG_4525

33. Па выхадзе на праспект Перамогі заўважыў ля адной з арак кніжную шафу:
IMG_4534

34. Аказалася, што так гомельскія энэргетыкі маскіруюць электрычныя размеркавальныя шчыты. Даволі арыгінальна:
IMG_4536

З.Ы. Мы з жонкай да новага года збіраемся наведаць Гомель з больш "абстаяцельным" двухдзённым візітам. Мажа хто з фрэндаў падскажа, дзе зручней ўсяго спыніцца на начлег у горадзе (гатэль ці з'ёмная кватэра) і можа падкажа якія-небудзь гомельскія гарадскія цікавосткі, якія не ўнесены ў турыстычныя даведнікі?

З.Ы.Ы. Як вы маглі заўважыць, дызайн афармлення паста слізаны з пастоў шаноўнага darriuss'а, як самы падыходзячы да справаздач аб падарожжах.
Tags: Гомель, Усходняя Беларусь, архітэктура, падарожжы, фота
Subscribe
Buy for 10 tokens
Buy promo for minimal price.
  • Post a new comment

    Error

    default userpic

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 46 comments